Ulqini është qyteti më interesant në bregdetin lindor të Adriatikut, vend në të cilin gërshetohen tri religjionet e mëdha, Mesdheu dhe Evropa, orienti dhe perëndimi. Në qytetin e vjetër monumental, aglomerati arkitektonik i themeluar në shekullin e pestë para erës së re, ende mund të shihen dhe të preken gjurmët dhe mbetjet e pasura të nëntë civilizimeve të mëdha të cilat kaluan nëpër Ulqin. 25 shekuj në një vend, është vërtet provokim për çdo frymë hulumtuese.
E nëse dëshiron te dish se përse ky qytet ishte mbi 200 vjet bazë e sigurt e kusarëve më të njohur në Adriatik, nëse vendosni të ecni nëpër qytet dhe rrethinë do të takoni objekte të bukura fetare të të tri konfesioneve, sahat kullën, hamamet, mbetjet e objekteve rustikale romake… vizita e ish qytetit të Shasit i cili sipas legjendës, ka patur kisha sa ditë ka viti, është diçka e paharrueshme.