Nëndeti i Ulqinit është parajsë e vërtetë për adhuruesit e zhytjes. Deti i pastër dhe brigjet e tij, mbetjet e anijeve të fundosura të pahulumtuara, nxisin individët që të zhyten dhe të kënaqen me fshehtësitë e botës së nëndetshme. Nëse jeni mjeshtër, të shkathët për zhytje, plazhet e Ulqinit dhe gjiret e bregut të detit janë ideale për Ju.
Shfrytëzoni mundësinë e marrjes hua të varkave ose anijeve tjera dhe me ndihmën e peshkatarëve të vendit ose zhytësve profesionist nisuni deri te gjiri i Valdanosit, i cili është 5km larg. Atje mund të kaloni tërë ditën duke soditur fundin e detit, ose hulumtuar botën nënujore, ose duke kërkua mbetjet e anijeve të fundosura. Për detale nuk keni nevojë të mundoheni, sepse disa klube zhytësish të Ulqinit ofrojnë mundësitë e furnizimit me kompletin e paisjeve profesionale, si dhe stërvitje për ata që dëshirojnë të bëhen zhytës.
Nëse pas zhytjeve në akvatorijumin e Ulqinit, dëshira e Juaj për aventura dhe rekreacion rritet atëherë më së miri është të informoheni për mundësitë e sportit apo peshkimit nënujor, e nëse kërkoni ngjarje apo ndodhi të reja, atëherë largohuni nga qendra e qytet për 2-3 ditë.