Të përshkruash bukuritë natyrore të Ulqinit mund të jetë vetëm provë, në të cilën edhe do mbetemi. Natyra ka qenë jashtëzakonisht dorëdhënë ndaj kësaj pjese të bregdetit Adriatik, duke bashkuar në mënyrë të vet kontrastin e mozaikut kolorit dhe bukuritë e rralla, natyra sikurse moti studiojnë dëshirat dhe kërkesat e njeriut të kohës, për takim dhe shoqërim me te, ashtu të pandotur dhe të shëndoshë, ia dhuroi kësaj ane detin e katërt dhe të pastër, lumin Buna dhe ishullin Ada në derdhje të saj, liqeni i pasur i Shasit, ullishta jetëgjatë, gjiri i bukur i Valdanosit, burimet shëruese, pylli i pishave dhe jo larg plazhi ranor.
Të mahnitur me bukuritë e këtij qyteti, shumë artist kanë gjetur inspirimin për veprat e tyre artistike, e shumica bukurinë e natyrës e filmuan, si regjisorët e njohur, Zhivko Nikoliq, Dushan Vukotiq në filmat “Dugi brodovi” ,,Sedmi kontinent” ,,Lepota poroka”, etj. Plazhet e bukura ranore janë shenjë identifikimi dhe simbol i bukurisë së rrallë të Ulqinit. Plazhi i Shtojit i cili është 13 km i gjatë dhe i gjerë mesatarisht 50m, shtrihet në veriperëndim-juglindje, në një hark të butë prej gjirit të Port Milenës, deri tek derdhja e Bunës.
Është 4 km larg qendrës së qytetit. Me ndërtim të bujshëm, sidomos pas tërmetit të vitit 1979 qyteti lidhet me plazhe dhe me Shtoj me shtëpi të mëdha dhe moderne, që janë një potencial i dukshëm për kapacitetet turistike dhe akomodimin. I tërë plazhi është me rërë, ngjyrë të bardhë – përhimët, të imtë me granulacion prej 0,1deri në 0,5mm. Kjo përbërje vazhdon edhe nën uj që ofron një kënaqësi sidomos për pleq dhe fëmijë.