Ulqini dhe ullishta janë binjakë. Askund në Adriatik, si në Ulqin, nuk ka ullisht që ka mbi 75 mijë rrënjë të kësaj bime të shenjtë. Bëhet fjalë për rrënj të vjetra mbi njëqindvjeçare, bimë autoktone e llojit të verdhë, e cila ka shije shumë të mirë dhe përmban përqindje të madhe të vajit.
Ulqinakët krenohen shumë me ullishtën e tyre, meqenëse ajo është pjesë e traditës së tyre, dhe ata me kënaqësi do të ju flasin për të dhe do të ju propozojnë që ta vizitoni. E nëse është koha mbledhjes, si nikoqir i mirë me siguri do të ju ofrojë që me të edhe Ju të mblidhni frytin, mandej ta përpunoni në mullirin më të afërt dhe të merrni sasinë gjegjëse të vajit të kualitetit të lartë.