Organizata Turistike e Ulqinit në bashkëpunim me OJQ Art Dulcinium dhe OJQ Perla Blue, organizon koloninë ndërkombëtare të piktorëve e cila do të mbahet nga data 17.09.2024.-21.09.2024 në hotelin Palata Venecija në Kalanë e Ulqinit .
Hapja e ekspozitës do të jetë me datën 18.09.2024 në orën 18:00 ku do të bëhet edhe prezantimi i piktorëve .
Këtë vitë në koloninë e piktorëve do të marrin pjesë artist nga Amerika,Brazilli, Indija, Kina, Tajlanda, Vjetnami, Egjipti, Maroku, Anglia, Gjermania, Polonia, Italia, Turqia, Shqipëria, Slovenia, Serbia, Kroacia, Bosna, Kosova, Maqedonia e Veriut i Mali i Zi .
Pothuajse të gjithë artistët janë të afirmuar, disa prej tyre janë profesorë të dalluar. Punimet do të jenë në formatin 70×50 si dhe secili artist do të jetë i lirë të shprehet në menyrën e vet artistike .
Besojmë se Ulqini është një qytet ku çdo artist do të gjejë frymëzim.
Aspirata jonë është që qyteti ynë të jetë një qytet ku artistët do të krijojnë dhe kështu qyteti ynë do të bëhet një destinacion i famshëm turistik, një qytet i artit.
Projektet kulturore janë promovimi i vërtetë i qytetit tonë. Shpresojmë që përmes këtij projekti do krijojmë një lidhje të mirë midis kulturës dhe turizmit, dhe si e tillë të njihet në botë.
